តាមការសិក្សារបស់អ្នកវិទ្យាសាស្ត្រអង់គ្លេសបានរកឃើញថា ការទទួលទានត្រីយ៉ាងតិចណាស់ ២ ដងក្នុង ១ សប្តាហ៏ អាចជួយកាត់បន្ថយគ្រោះថ្នាក់នៃតម្រងនោមរបស់អ្នកដែលបង្កឲ្យកើតជំងឺទឹកនោមផ្អែម។
តាមការដឹងរបស់អ្នកវិទ្យាសាស្ត្រមុនៗបាននិយាយថា អ្នកកើតជំងឺទឹកនោមផ្អែមត្រូវទទួលទានប្រូតេអ៊ីនឲ្យបានតិចបំផុតតាមដែលអាចធ្វើទៅបាន ដើម្បីពន្យាពេលនៃការវិវត្តន៏នៃជំងឺតម្រងនោម។ តែទោះជាយ៉ាងណា តាមការសិក្សាថ្មីៗនេះរបស់អ្នកវិទ្យាសាស្ត្រអាមេរិចបានឲ្យដឹងថា អ្វីដូចដែលបាននិយាយរៀបរាប់ខាងលើ ពិតជាមិនចាំបាច់នោះទេពីព្រោះប្រូតេអ៊ីននៅក្នុងសាច់ត្រីពិតជាផ្តល់នូវអត្ថប្រយោជន៏ជាច្រើនដល់តម្រងនោម។ វេជ្ជបណ្ឌិតលោក អាមែនដា មកពីសមាគមន៍អ្នកស្រាវជ្រាវវិជ្ជសាស្ត្រសាកលវិទ្យាល័យខេមប្រ៊ីត (ចក្រភពអង់គ្លេស) បាននិយាយថា ក្រោយពីបានសិក្សា ២២,០០០ មុខរួចមកឃើញថា ចំនួន ១៨ ភាគរយ នៃអ្នកកើតជំងឺទឹកនោមផ្អែម ដែលបានទទួលទានសាច់ត្រីយ៉ាងតិចណាស់ ២ ដងក្នុង ១ សប្តាហ៏, មាន ៤ ភាគរយចំពោះអ្នកដែលបានទទួលទានបានតែជាតិត្រីសុទ្ធ។ វាពិតជាធ្វើឲ្យជំងឺតម្រងនោមថយចុះយ៉ាងពិតប្រាកដ។ សារធាតុចិញ្ចឹមតែមួយគត់ពីសាច់ត្រីដែលអាចការពារជំងឺតម្រងនោម ធ្វើដំណើរការឆ្លងកាត់ដើម្បីគ្រប់គ្រងជាតិស្ករក្នុងឈាមឲ្យបានល្អ, ជួយឲ្យប្រតិបត្តិការនៃសារធាតុលីពីតកាន់តែប្រសើរឡើង។ តាមការសិក្សានេះផងដែរក៏បានបង្ហាញថាសារធាតុដែលមាននៅក្នុងត្រីពិតជាអាចជួយការពារតម្រងនោមបានយ៉ាងល្អបំផុត។
យោងទៅតាមអ្នកវិទ្យាសាស្ត្របានឲ្យដឹងថា ត្រីផ្ទុកនូវសារធាតុខ្លាញ់ដែលមានគុណភាពល្អបំផុតជួយសម្រួលដល់សរសៃឈាមបេះដូង, ជួយកាត់បន្ថយគ្រោះថ្នាក់នៃជំងឺសរសៃឈាមបេះដូង, ហើយវាក៏អាចជួយអ្នកកើតជំងឺទឹកនោមផ្អែមកាន់តែប្រសើរឡើងផងដែរ។ ជាធម្មតា អ្នកកើតជំងឺទឹកនោមផ្អែមភាគច្រើនទាក់ទងនឹងជំងឺសរសៃឈាមបេះដូង និង លើសឈាម៕
ប្រភព៖ Domneng.com
