រាជធានីភ្នំពេញ ៖ ទាំងបុរស-ស្ត្រីជាច្រើន តែងតែសង្ស័យថា តើការមានសិចនោះ គួរធ្វើបែបណាដើម្បីឲ្យបាន ទៅតាមបំណងត្រូវការ ឬគ្រាន់តែដោះសំលៀកបំពាក់ ចេញអស់ពីខ្លួន ហើយឡើងលើគ្រែបើកឆាកប្រយុទ្ធប៉ុណ្ណោះ ក៏ជាការគ្រប់គ្រាន់ តែរឿងពិត វាមិនងាយស្រួល ដូចអ្នកគិតនោះទេ សិចគឺវាត្រូវការអ្វីៗ ដែលច្រើនជាងនេះទៀត។ បុរសស្ត្រីត្រូវការវា ដើម្បីបំពេញតាមចំណង់ នៃធម្មជាតិ និងបង្កើតសង្គមមនុស្សរាប់តំណ មិនអស់តទៅមុខទៀត។
អ្នកវិទ្យាសាស្ត្រផ្លូវភេទធ្លាប់បានអះអាងថា « សិចធ្វើឲ្យជីវិតមនុស្សស្រស់បំព្រង និងមានសេចក្តីសង្ឃឹម»។ ឆ្លងតាមការសិក្សាស្រាវជ្រាវ ដោយការសាកសួរ ជាច្រើនទៅលើក្រុមមនុស្ស ស្ទើរគ្រប់វ័យកន្លងមកបានរកឃើញថា មនុស្សស្ទើរតែទាំងអស់ ក្នុងចំណោមនេះគេត្រូវការសិច ហើយបានឲ្យអត្ថន័យយ៉ាងសំខាន់ ទៅលើជីវិតរបស់គេ។ ចំណែក អ្នកសង្គមវិទូ ជនជាតិអាមេរិកម្នាក់ ក៏ធ្លាប់ផ្តល់អត្ថន័យនៃជីវិតសិចដែរថា «ធ្វើឲ្យមនុស្សខិតខំ និងសង្គមលូតលាស់ផងដែរ»។
សិចពុំត្រូវការភាពគ្រោតគ្រាត និងភាពរមាំងរមោកទេ គឺវាត្រូវការភាពផ្អែមត្រជាក់ ហើយយល់ចិត្តគ្នាយ៉ាងខ្ពស់។ មនុស្ស ភាគច្រើនបានបន្ទន់ ឥរិយាបថរបស់ខ្លួនយ៉ាងទន់ភ្លន់ នៅពេលមានសិចកើតឡើង ហើយខ្លះគេប្រែក្លាយ ជាសត្រូវឲ្យមកជាមិត្តយ៉ាងល្អ ក្នុងអំឡុងពេលនេះ។ មានមនុស្សតិចណាស់ ដែលប្រើហិង្សា ក្នុងពេលនេះ ដើម្បីកំដរភាពសប្បាយ របស់ខ្លួនឯង។ បុរស-ស្ត្រី ត្រូវការថ្នាក់ថ្នមគ្នា ក្នុងពេលនេះ ទើបអ្វីៗអាចសម្រេចទៅ បាននៃជីវិតសិចរបស់ខ្លួន។ អ្នកមិនត្រូវមើលរំលង ចំណុចមួយនេះឡើយ។
ការបបាសអង្អែល វាជាផ្នែកមួយនៃការថ្នាក់ថ្នម និងជំរុញឲ្យមានភាព ស្រៀវស្រើបខ្លាំងឡើង។ ដូចរឿងនិទានបុរាណក្នុងលោក ធ្លាប់សរសេរទុកថា «ដៃជាអាទិទេពស្នេហ៍ក្នុងពេលរួមដំណេក»។ អ្នកត្រូវចងចាំថា ខ្វះការបរបាសអង្អែលនោះ គឺខ្វះអ្វីៗទាំងអស់ក្នុងជីវិតសិច។ ការថើបមិនមែនត្រឹមតែជាការយកច្រមុះប៉ះថ្ពាល់ ឬបបូរមាត់ និងបបូរមាត់ប៉ះគ្នានោះទេ ប៉ុនែ្តវានៅជួយបន្ថែម ភាពរំជើបរំជួលអារម្មណ៍បានទៀតផង។ ការថើបជាផ្នែកមួយ នៃការដុតអារម្មណ៍យ៉ាងខ្លាំងក្លា។
បុរស-ស្ត្រីខ្លះគ្រាន់តែថើបគ្នា ក្នុងផ្លូវមនោសញ្ចេតនា ពេលនឹករឭកគ្នាធម្មតា ប៉ុន្តែអាចធ្វើឲ្យពួកគេ ឈានទៅរកការរួមភេទសិចបាន។ ការ ថើបជញ្ជក់មាត់ ដើមឡើយនិយមចូលចិត្ត តែនៅប្រទេសអ៊ឺរ៉ុប និងបរទេស មួយចំនួនប៉ុណ្ណោះ ប៉ុនែ្តបច្ចុប្បន្ននិយមស្ទើរតែ ទូទាំងពិភពលោក។ ក្រៅពីនេះ ការថើបជញ្ជក់មាត់តាមរាងកាយ ក៏បានជំរុញឲ្យមានការពុះកញ្ជ្រោល ផ្លូវអារម្មណ៍ និងដុតដាលតម្រេតតណ្ហាដល់កំពូលដូចគ្នា។ ការ រួមសិចដែលមានលក្ខណៈដដែលៗ ហើយសាមញ្ញធម្មតាពេក អាចធ្វើឲ្យគូស្នេហ៍ឆាប់រសាបរលាប និងអស់ន័យចំពោះគ្នា។
គូស្នេហ៍ខ្លះដែលមិនទាន់ យល់ច្បាស់ពីអត្ថន័យនៃការរួមសិចនោះ បានធ្វើឲ្យពួកគេបំពេញចំណង់ មួយបែបនេះតែមួយរយៈពេល ក៏បោះបង់វាទៅ វិញ ហើយការឆ្អែតឆ្អន់របស់ខ្លួន ចុងក្រោយនាំឲ្យមានការ បាក់បែកក្នុងគ្រូសារ។ ការផ្លាស់ប្តូរក្បួនក្បាច់ ក្នុងពេលរួមសិច វាជាយុទ្ធវិធីមួយ អាចរក្សាចំណងស្នេហ៍ជាប់គង់បានយូរ។ បុរស-ស្ត្រីតែងតែចេះនូវវិជ្ជាគុននេះ ដើម្បីថែរក្សាស្ថិរភាពគ្រួសារ។ ទោះបីវាជាផ្នែកតូចមួយក្នុងជីវិតគ្រួសារ ប៉ុនែ្តវាមានសារៈសំខាន់ សម្រាប់ការកំណត់ នៃធម្មជាតិមួយនេះឡើង៕
ដកស្រង់ពីwatphnom-news.com
