សន្យាមួយ ដែលដេកដួលលើដី ហាក់ដូចជាផ្ទាំងសំណាត់នៅលើជលសា ដែលរេរង់គ្មានទីដៅពិតប្រាកដ ត្រូវបានអូនបំផ្លាញ់ទាំងបំពាន់ ឲ្យស្លាប់គ្មានថ្ងៃរស់។ ត្រីក្រឹមមួយគួរដែលធ្លាប់រស់នៅក្នុងថូ ហែលជាមួយគ្នា ត្រូវអូនចាប់បំបែក ផ្កាមួយទងដែលកំពុងទទួលសន្សើម និងទឹករីកស្គុះស្គាយត្រូវអូនបង្អាក់ ដោយបាំង និងលែងស្រោចទឹកត្រូវដេកដួលបាក់ក លើថូ ដែលគ្មានសន្សើមនោះ។
ខ្ញុំបាទ ម៉ានិត ថ្ងៃនេះ ដាច់ចិត្តរ៉ាយរ៉ាប់បង្ហាញឃ្លាទុក្ខសោកលើគេហទំព័រដំណឹង ចំពោះសន្យាខ្លីមួយដែល ថានិងសាងស្នេហ៍រួមរស់នៅជាមួយនឹងគ្នា លុះគ្រាអវសាន្ត រវាងនារីម្នាក់ឈ្មោះ ធារី វ័យ ២៣ ឆ្នាំ ទើបតែស្គាល់គ្នា បាន កន្លះឆ្នាំ ក្នុងពិធីរៀបអាពាហ៍ពិពាហ៍របស់មិត្តភក្តិខ្ញុំ តែចំណងស្នេហ៍នេះត្រូវបាននាងដកហូតវិញ ដូចដកស្ពៅទាំងគល់ ចឹង តើបុរសណាទ្រាំបានទៅចំពោះរឿងនេះ? ពេលវេលាដ៏ខ្លីត្រូវបាននាងបង្ខំ ចិត្តបុរសម្នាក់ឲ្យឈប់ស្រលាញ់នាង ព្រោះតែនាងមានថ្មី ដែលល្អជាងខ្លួន ព្រោះថាគេម្នាក់នោះអ្វីៗក៏មាន តាមតម្រូវការដែលនាងចង់បាន សួរថានេះឬជាស្នេហា?
អ្វីជាស្នេហា? ពាក្យនេះខ្ញុំតែងតែសួរគេជារឿយៗ អ្នកខ្លះឆ្លើយថា ជាចំណងស្នេហារវាងបុរសនិង ស្ត្រីនិង ឳពុកម្តាយនិងកូន ។ អ្នកខ្លះឆ្លើយថា ស្នេហា គឺភាពសប្បាយរីករាយ និង ជូរចត់ ម្តងផ្អែម ម្តងប្រៃ ។ ពាក្យដែលមនុស្សទាំង តូច ទាំង ធំតែងតែស្គាល់ ហើយក៏ជាពាក្យដែលមានប្រជាប្រិយភាពនេះ ត្រូវបានធ្លាក់មកខ្លួនខ្ញុំ ដែលជាមនុស្សមិនចង់ជួបរឿងជូរចត់នោះ ។ ទំព័រ ជូរចត់នេះ វាបានក្លាយទៅជាប្រធានបទដ៏ក្តៅគគុកសម្រាប់ជីវិតខ្ញុំទៅវិញ។អូនបានដឹងទេអូន ជានារីដែលបងសង្ឈឹមថារួមរស់ជាមួយនឹងគ្នាលុះសាន្តត្រាណនៃជីវិត មិនគួរណាអូនមានអ្នកថ្មី មកបំផ្លាញជីវិតដែលកំពុងរីករាយនេះសោះឡើយ ។បងគ្រាន់តែចង់សាងសុភមង្គលសាមញ្ញមួយ ស្នេហាសាមញ្ញាមួយ ដែលជាស្នេហ៍ពិត ដែលជារឿងសង្ឈឹមបំផុតក្នុងជីវិតបង អូនជាទ្រព្យចុងក្រោយនៃជីវិតបងហើយ ផែនដីអើយ!វិលថយក្រោយវិញមក ដើម្បីបញ្ចប់ចិត្តលោភលន់របស់នាង ។បងមិនចង់រំឭកនោះទេ ចំពោះសន្យាដែលអូនថា និងជីវិតស្នេហរួមគ្នា តើអូនចាំបានទេ ? វាមិនសាកសមចំពោះមនុស្សស្មោះស្នេហ៍ដូចបងសោះឡើយ ដែលត្រូវមកធានាទុក្ខសោកដាក់ក្នុងទ្រូងយ៉ាងនេះ។ សន្យាមួយដែលបងចាំមិនភ្លេចនោះគឺជាសន្យា ដែលចេញពីបបូរមាត់អូន ដែលបងត្រង់ស្តាប់មិនដាក់ត្រចៀក ។
ណ្ហើយ!បងដឹងថាអូនមិនអាចបកក្រោយទេ តែទោះជាយ៉ាងណាបុរសម្នាក់នេះនៅចាំសន្យាជានិច្ច ហើយក៏ជូនពរអូន ឲ្យមានសុភមង្គល ជាមួយនឹងគេលុះគ្រាអវសាន្តអើយ កុំឲ្យដូចរូបបងដែលជួបរឿងមិនពិតក្នុងជីវិតយ៉ាងនេះ ស្គាល់ហើយ សន្យាស្នេហា ។ម្យ៉ាងវិញទៀត ជាទីបញ្ចប់ក៏សូមអរគុណអូនដែលបង្រៀនមេរៀន ហើយក៏ជាទំព័រ ថ្មីដ៏ជូរចត់បំផុតក្នុងជីវិតបង អរគុណច្រើនណាស់ ធារី អូន…..៕
ដកស្រង់ចេញពីDomneng.com
ដកស្រង់ចេញពីDomneng.com
